23 vjeçari injekton naftë në muskuj që të duket më muskuloz

Popaji rus më në fund ka larguar pjesën e muskujve të quajtur ‘trepjesësh’ pasi që e kishte injektuar veten në mënyrë që të dukej më muskuloz.

Kirill Tereshin, 23 vjeçar nga Rusia është paralajmëruar nga mjekët se mund të ketë pasoja të tmerrshme deri në amputimin e duarve apo humbjen e jetës nëse nuk largon muskujt e implantuar, shkruan The Sun, transmeton Indeksonline.

Ish ushtaraku, tashmë bodibilder  kishte implantuar vaj të naftës në muskujt e tij në mënyrë që të dukej si një Popaj në jetën reale.

Ishte dr. Dmitry Melnikov ai që kishte larguar vajin e naftës dhe mishin e qelbur nga muskujt e 23 vjeçarit.

Kirill kishte injektuar 3 litra në secilin krah duke shkaktuar ngopjen e indeve të muskujve dhe bllokimin e rrjedhjes së gjakut.

Implantimi i kishte shkaktuar temperaturë të lartë, dhimbje të mëdha dhe ligështim të trupit.

Mjekët e paralajmëruan se ai kishte qenë me fat pasi që dëmi kishte ngecur vetëm në gjymtyrë dhe nuk kishte shkuar në pjesë të tjera të trupit./Indeksonline/