249 raste të reja me COVID-19 në Kosovë

Gjatë 24-orëve të fundit në Kosovë kanë rezultuar pozitivë me koronavirusin 249 raste nga 2.291 mostra, ndërkaq 274 të tjerë kanë fituar betejën me këtë virusin.

Kështu ka bërë të ditur ministri në detyrë i Shëndetësisë, Armend Zemaj, sipas të cilit është ulur përqindja e të të infektuarve nga testet ditore në 10,8 për qind.

“Krahas menaxhimit të suksesshëm të pandemisë, jemi gati edhe për vaksinimin me vaksinën anti-Covid, që do të ndodhë shpejt. Na duhet kujdes i shtuar në mënyrë që situata epidemiologjike në vend të mos rëndohet para vaksinimit”, ka shkruar Zemaj në Facebook.

Sipas tij, Kosova po vazhdon të jetë më mirë se shumë vende të tjera në rajon sa i përket menaxhimit të pandemisë.