25% taksë, Trump “godet” importuesit e makinave në SHBA

Presidenti i SHBA-së, Donald Trump, ka njoftuar taksa të reja të importit prej 25% për makinat dhe pjesët e makinave që vijnë në SHBA.

Sipas BBC-së, kjo lëvizje kërcënon të zgjerojë luftën tregtare globale.

Trumpi tha se tarifat e fundit do të hyjnë në fuqi, më 2 prill, me tarifat për bizneset që importojnë automjete të fillojnë të nesërmen.

Tarifat për pjesët e makinave janë vendosur të fillojnë në maj ose më vonë.

Trump thotë se kjo masë do të çojë në “rritje të jashtëzakonshme” për industrinë e makinave, duke premtuar se do të nxiste vende pune dhe investime në SHBA.

Por analistët kanë thënë se masa ka të ngjarë të çojë në mbylljen e përkohshme të prodhimit të rëndësishëm të makinave në SHBA, rritjen e çmimeve dhe tendosjen e marrëdhënieve me aleatët.

Meksika është furnizuesi kryesor i huaj i makinave në SHBA, e ndjekur nga Koreja e Jugut, Japonia, Kanadaja dhe Gjermania.

Lëvizja e fundit e Trumpit kërcënon të përmbysë tregtinë globale të makinave dhe zinxhirët e furnizimit.