25-vjetori i rikthimit në institucionet shëndetësore, marshojnë mantelbardhët

Punëtorët shëndetësor të Qendrave të Mjekësisë Familjare dhe të Urgjencës, parakaluan të premten në sheshet kryesore të Prishtinës, për nderë të 25-vjetori të hyrjes në institucionet shëndetësore, raporton Ekonomia Online.

25 vjet më parë, ata ishin rikthyer në vendet e punës pas largimit me dhunë në kohën e regjimit të Millosheviqit.

Të veshur me uniformë, stafi shëndetësor i prirë nga udhëheqësit e shëndetësisë në Prishtinë, u mirëpritën nga fëmijët me buqeta me lule në shenjë falënderimi për kontributin e dhënë ndër vite.