28 Nëntori po ofron, të rinjtë në Krushë të Madhe, në mënyrë vullnetare zbukurojnë fshatin!

Nëntori është një nga muajt më të rëndësishëm për kombin shqiptar.

Derisa, po ofron data e festës së flamurit kombëtar, tashmë në Kosovë kanë nisur përgatitjet.

Madje, janë vet qytetarët që në mënyrë vullnetare po organizojnë aktivitete për një nga festat që shënuan kthesë dhe ngjallin emocione përherë, përcjellë Indeksonline.

Në Krushë të Madhe, disa të rinj në mënyrë krejt vullnetare kanë nisur zbukurimin e fshatit, duke u kujdesur për hapësirat gjelbëruese dhe rrugët.

Ndërsa, tashmë në qytetin e Lipjanit janë vendosur edhe flamujt, ai i shtetit të Kosovës dhe ai Kuq e Zi.

Kujtojmë, që kryeministri në largim Ramush Haradinaj, ditë më parë ka marrë vendim që 28 Nëntori të jetë ditë pushimi, ndërsa në në Prishtinë dhe në Drenas do të vendosen shtatore të Adem Jasharit./Indeksonline/