32-vjeçari kosovar, në Vjenë, dyshohet se vrau gruan shkaku i xhelozisë

Kanë dalë detaje të reja në lidhje me vrasjen e nënës së tre fëmijëve në Vjenë, nga bashkëshorti i saj, 32- vjeçar Valdon D.

“Kur djali (2) dhe dy vajzat e tij (4, 9) nuk e shohin nënën e tyre në apartament, babai i merr ata dhe shkon në McDonald’s për drekë”, shkruan gazeta zvicerane OE24, transmeton Indeksonline.

Pas kësaj, kosovari u dërgua së bashku me fëmijët e tij në inspektimin policor Taubstummengasse. Aty ai deklaroi se kishte vrarë gruan e tij. Ai kishte goditur atë gjatë një mosmarrëveshje dy herë me një shkop druri.

Motivi: Xhelozia. Siç është raportuar, punëtori i ndërtimit kishte frikë se gruaja e tij kishte një aferë. Kjo është arsyeja pse ai instaloi një aplikacion special në iPhone, me të cilin e vendosi gruan e tij në stacionin kryesor. Aty e kapi me dashnorin e saj, për të cilën dyshonte se ishte kolegu i saj i punës.

Ndërsa avokati i të dyshuarit kishte thënë: “Klienti im nuk donte ta vriste, vetëm ta lëndonte”, thotë mbrojtësi Mirsad Musliu.

Kur autori i dyshuar u largua nga banesa, viktima thuhet se ende po jetonte, por që vdiq më pas nga plagët./Indeksonline/