5 sekrete që skenat e filmave nuk t’i mësojnë për seksin në jetë reale!

Nga skenat e zjarrta të filmave deri tek ajo çfarë ndodh në dhomën tuaj të gjumit, jeta seksuale nuk ka pse të jetë një shfaqje e improvizuar. Ja si mund të mësoni disa truke “nga prapaskena” që i bëjnë aktorët të ndihen rehat… dhe që funksionojnë po aq mirë edhe jashtë kamerave!

1. Harro skenën perfekte
Seksi në filma është i stërreklamuar, i stërlyer me vaj trupi dhe zakonisht ka një regjisor që i thotë dikujt kur të psherëtijë. Pra, jo tamam si jeta. Prano që momenti yt i intimitetit nuk ka nevojë të jetë si në “The Notebook” – mjafton të jetë i vërtetë dhe i sinqertë.

2. Vendos kufijtë para se të nisin “xhirimet”
Ashtu si aktorët që flasin me koordinatorët e intimitetit para një skene, edhe ti (dhe partneri yt) duhet të bëni një “check-in” të vogël. Çfarë doni të provoni? Çfarë s’ju pëlqen? Kufijtë e qartë sjellin më shumë besim dhe kënaqësi.

3. Luaj rolin e regjisorit të jetës tënde seksuale
Mos prit që gjithçka të vijë natyrshëm si në filma. Në fakt, një “skenar i lirë” me ide të thjeshta si: “le të fillojmë këtu, dhe pastaj të shohim” mund të jetë shumë më i efektshëm. Siç thonë profesionistët: krijo një kornizë, pastaj lejo spontanitetin të lulëzojë.

4. Bashkëpunimi është sekreti më i madh
Nëse gjërat nuk ecin siç pritej – s’ka problem! Të dy duhet të jeni fleksibël dhe të hapur për të ndryshuar mendje në çdo moment. Seksualiteti  varet nga komunikimi, kujdesi dhe gatishmëria për të dëgjuar njëri-tjetrin.

5. Koreografoni si një kërcim intim
Seksi është si një valle: ka ritëm, ndjesi, ndalesa, shikime dhe prekje që flasin. Një përkëdhelje në shpinë, një shtrëngim dore ose një frymëmarrje e thellë mund të jenë sinjalet më të bukura pa thënë asnjë fjalë.

Në fund të ditës, mos harro: jeta seksuale është një performancë që nuk ka nevojë për audiencë – vetëm për ndjenjë të ndërsjellë, sinqeritet dhe (pse jo?) pak kreativitet.

Nëse do të ishe në një film… ti do ishe regjisorja, aktorja dhe ylli kryesor!