5 shenja që periudha ‘pushimit’ në lidhjen tuaj mund të kthehet në ndarje

Ndonjëherë, edhe lidhjet më të shëndetshme kanë nevojë për kohë. Mund ta doni shumë njëri-tjetrin, por raporti juaj ka arritur në një pikë që mund ta keni të nevojshme për t’u shkëputur për pak kohë. Kjo, për t’u qartësuar me veten se çfarë doni të bëni më tej, apo çfarë ndjeni në të vërtetë për personin tjetër. Gjithsesi, nëse gjatë periudhës pushim mbizotërojnë shenjat më poshtë, ndarja mes jush është e pashmangshme.

Njëri prej jush po del me të tjerë në fshehtësi

Përpiquni të mos e keqkuptoni këtë. Nëse jeni totalisht të ndarë nga partneri, është e drejta juaj të bëni çfarë të doni, por nëse po merrni thjesht kohë për të kuptuar çfarë doni, s’do të ishte e ndershme t’i komplikonit gjërat me njerëz të tjerë. Për të gjitha palët, kjo vetëm sa do ta përkeqësonte situatën. Në fillim sqarohuni dhe më tej vijoni

S’jeni të dy në një linjë

Që një shkëputje të jetë e suksesshme të dy partnerët duhet të jenë në një linjë. Kjo nis me diskutimet rreth limiteve dhe rregullave që do të vendosni si përshembull: A do të flisni gjatë kësaj kohe? Do të takoheni? Gjatë kësaj periudhe, duhet gjithashtu të dini që edhe partneri është me të njëjtat shpresa dhe qëllim si ju.

Njëri prej jush po bën përpara (dhe jo thjesht në mënyrë romantike)

Koha larg njëri-tjetrit duhet t’ju shërbejë për të parë se çfarë doni nga marrëdhënia, të punoni me veten dhe ta kuptoni atë, por nëse ti vë re që partneri po vazhdon 100% një tjetër rrugë ndryshe nga e jotja, gjërat mes jush janë drejt fundit.

Partneri juaj refuzon të komunikojë me ju

Mungesa e dëshirës për të komunikuar tregon se diçka e madhe është thyer mes jush. Për t’u kthyer bashkë komunikimi është kushti numër 1, por nëse nuk e doni të dy, diçka nuk shkon.

Ti s’je e qartë fare për arsyen e shkëputjes

Nëse ditët kalojnë dhe ty të mundon dilema e arsyes pse ti dhe ai jeni larg njëri-tjetrit, atëherë diçka mes jush s’po shkon siç duhet. Kjo do të thotë që periudha e kohës vetëm duhet të jetë e qartë për të dy, në mënyrë që të merrni vendime të drejta për veten. Nëse ti je konfuze për arsyen, atëherë ndarja përfundimtare është vetëm çështje kohe.