50-vjeçarja bëhet nënë për herë të parë, zëri i foshnjes gjallëron shtëpinë e çiftit në Klinë

Pas vitesh pritjeje, lutjesh dhe shprese, zemra e Safete Metajt nga Gjakova sot rreh më fort se kurrë.

Në moshën 50-vjeçare, ajo ka përjetuar bekimin më të madh të jetës së saj duke u bërë nënë për herë të parë.

Safetja rrëfen se momenti kur mori lajmin se ishte shtatzënë ishte gëzimi më i madh që kishte përjetuar ndonjëherë, një çast që ia mbushi shpirtin me lot gëzimi dhe shpresë të re, pas një rrugëtimi të gjatë në kërkim të “ilaçit” të ëndrrës së saj më të madhe.

Sot, çifti nga Klina jetojnë ditë të mbushura me dashuri të pafund, pasi në shtëpinë e tyre më në fund dëgjohet zëri i një foshnjeje.

Vajza e tyre e vogël, të cilën e kanë quajtur Shkurta, ka ardhur si një bekim i çmuar, duke e kthyer çdo pritje të dhimbshme në gëzim të pastër dhe duke i dhënë familjes kuptimin më të bukur të jetës.

Ndiqni më poshtë reportazhin e plotë: