15:38 / E Martë, 09 Janar 2018

6 lloje të frymëmarrjes së keqe dhe çfarë thonë për shëndetin tuaj

Aroma e pakëndshme e gojës është problem që shoqëron shumë persona dhe kjo shndërrohet shpesh në situatë të sikletshme sociale.

Ndërsa shumica e rasteve mund t’i atribuohet higjienës së dobët me orale, nganjëherë aroma e keqe gjithashtu mund të shkaktohet nga problemet themelore shëndetësore. Secili ka një lloj arome të dallueshme që mund t’i ndihmojë mjekët të identifikojnë sëmundjet që e shkaktojnë atë në radhë të parë.

Këtu janë gjashtë lloje të frymëmarrjes së keqe dhe ato se cfarë tregojnë, transmeton Indeksonline.

Aromë frutash: Një aromë me shije fruta nga goja është një shenjë e diabetit të tipit 2. Aroma mund të shkaktohet nga ketoacidoza, një gjendje metabolike e lidhur me diabetin. Një përqendrim i lartë i trupave ketone është fajtori.

Frymëmarrja acidike: Një erë e mprehtë, acidike që del nga goja mund të jetë tregues i astmës ose fibrozës cistike. Kjo shoqërohet edhe me gojë të thatë.

Frymëmarrja e amoniakut: Erë e dallueshme e mprehtë rreth një urinali shkaktohet nga prania e amoniakut në urinë. Kur frymëmarrja e një personi ka erë si amoniaku, është një tregues se ai ose ajo mund të vuajë nga problemet e veshkave.

Aromë myku: Një aromë e mykur që del nga frymëmarrja e personit mund të tregojë telashe të mëlçisë. Kjo është gjithashtu e zakonshme te alkoolistët.

Aromë djathi: Një erë e fortë sikurse aroma e djathit mund të tregojë se keni probleme me hundë. Sidomos pas lindjes, mund të mblidhet mukozë e trashë në hundë, e cila mund të shkaktojë frymëmarrje të tilla.

Erë fekale: Kur aroma e frymëmarrjes vjen e tillë sikurse aromë fekalesh, mund të tregojë probleme të stomakut, si pengesë të zorrëve./Indeksonline/