6 shqiptarë të arrestuar në Itali, vjedhin lojërat e fatit dhe automjetet luksoze me vlerë 100 mijë euro

Autoritetet italiane kanë shkatërruar një bandë kriminale e specializuar në grabitjen e bizneseve të lojërave të fatit me veprim në provincat e Trentos, Milano, Brescia e Bergamo.

Në pranga janë vënë 9 persona: 6 shqiptarë, 2 italianë e 1 serb.

Operacioni policor i koduar me emrin shqiptar “Baba e biri” ka zbardhur se kjo bandë është autore e 20 grabitjeve. 13 prej të cilave janë biznese të lojërave të fatit si dhe të 7 automjeteve lluksoze. Vlera monetare e grabitur nga makinat e lojërave të fatit llogaritet të jetë rreth 100 mijë euro.

Hetimet e këtij operacioni kanë nisur në nëtor të 2018 pas grabitjes së një lokali në qytezën Borgo Chiese.

Sipas autoritetve italiane kjo bandë vepronte në mënyrë skrupuloze e të artikuluar duke përdorur automjete të përshtatshme për grabitjen e makinave të lojërave të fatit. Grabitjet janë kryer në rajonet e Lombardisë, Emilia Romagna e Trentino.

 7 nga anëtarët e bandës janë vënë nën pranga e 2 të tjerë në arrest shtëpiak.

Shqiptarët e dënuar me burg janë

Endri Caushaj, 33 vjeç

Ardian Muca, 39-vjeç

Bledar Bashmeta, 41-vjeç

Besart Mehmeti, 34-vjeç./OraNews/