Gratë që humbën punën gjatë pandemisë në Kosovë, të aplikojnë për t’u ndihmuar financiarisht

Forumi Ekonomik i Grave, i koordinuar nga instituti “Riinvest” nëpërmjet projektit “Përgjigje e shpejtë ndaj pandemisë COVID-19 – mbështetja e grupeve më të cenueshme te grave”, fton gratë të cilat kanë humbur punën si pasojë e pandemisë që sipas kritereve të evidentuara më poshtë të aplikojnë për të përfituar ndihmë të drejtpërdrejtë financiare të njëhershme në vlerë të përafërt me pagën minimale sipas legjislacionit në fuqi.

Objektivi kryesor i projektit është të kontribuojë në zbutjen e gjendjes sociale të grave të cilat kanë humbur punën në sektorë joformalë gjatë pandemisë Covid-19, gratë/nënat vetushqyese dhe grtë që nuk përfitojnë ndihma të tjera sociale.

Përparësi do t’u jepet grave që rrisin fëmijë jetimë dhe atyre që kanë fëmijë me nevoja të veçanta.

Aplikimi është i hapur deri më datën 19 qershor 2020.  

Në linkun në vijim mund të shkarkoni Deklaratën nën betim: https://bit.ly/2UiPqHB
Për të aplikuar dorëzoni dokumentacionin sipas kritereve të listuara në thirrje.