74 vjeçari nga Prekazi që ëndërronte të bëhej futbollist, tani s’e ndal futbollin me fëmijë në livadhet e fshatit!

Entuziazmin për futbollin e ka më të madh se vjetët që i bartë mbi supe.

74 vjeçari Arif Lata nga Prekazi i epërm ëndrrën për t’u bërë futbollist me nam nuk e realizoi, por lojën nuk e ndali kurrë.

Bile, tani ne fshat ka disa shokë të vegjël me të cilët luan shpesh, njofton Klan Kosova.

Lata, që është adhurues i Real Madridit, i vlerëson si lojtarë të mirë, kundërshtarët e tij.

Po për Florentin 13 e Florjanin 9 vjeç loja me një 74 vjeçar, që këta e quajnë axhë, është diçka zbavitëse.