Dështon votimi i marrëveshjeve ndërkombëtare, s’ka kuorum!

Pozita ka dështuar të siguronte votat për miratimin e 5 marrëveshjeve ndërkombëtare.

Ndonëse Qeveria e Hotit bëri thirrje që ato të votoheshin, opozita nuk dha mbështetje për këto marrëveshje, transmeton Indeksonline

“S’ka korum të vazhdueshëm, seanca shtyhet për një kohë tjetër. 58 deputetë kanë marrë pjesë në votim”, ka thënë kryetarja e Kuvendit, Vjosa Osmani.

Më poshtë:

4.    Shqyrtimi i Projektligjit për ratifikimin e Marrëveshjes për financim ndërmjet Republikës së Kosovës dhe Asociacionit Ndërkombëtar për Zhvillim për Projektin e Fuqizimit të Sektorit Financiar,

5.    Shqyrtimi i Projektligjit  për ratifikimin e Marrëveshjes për Hua ndërmjet Republikës së Kosovës dhe Bankës Evropiane për Rindërtim dhe Zhvillim për Projektin e Zhvillimit të Ujërave të Zeza në Gjilan,

6.    Shqyrtimi i Projektligjit për ratifikimin e Marrëveshjes për Financimin e Projektit për Kadastër të Patundshmërisë dhe Infrastrukturë Gjeohapësinore ndërmjet Republikës së Kosovës dhe Asociacionit Ndërkombëtar për Zhvillim,

7.    Shqyrtimi i Projektligjit për ratifikimin e Marrëveshjes ndërmjet Bashkimit Evropian dhe Republikës së Kosovës  mbi pjesëmarrjen e Kosovës në Programin e Bashkimit “Dogana 2020”,

8.    Shqyrtimi i Projektligjit për ratifikimin e Marrëveshjes ndërmjet Bashkimit Evropian dhe Republikës së Kosovës  mbi pjesëmarrjen e Kosovës në Programin e Bashkimit “Fiskalis 2020”.