​Zemaj paralajmëron testime masive, në Prishtinë 400 raste aktive me COVID-19

Me gjithë ndalimin e testimeve të kontakteve të personave me Covid-19, ministri i Shëndetësisë, Armend Zemaj thotë se janë duke e rishikuar situatën për të kaluar në teste masive, edhe pse nuk tregoi ku do t’i marrin ato.

Gjatë vizitës së sotme të tij në Komunën e Prishtinës, numri një i Shëndetësisë tha se janë duke punuar për një strategji anticovid-19.

Ndërsa, kryetari i Komunës së Prishtinës, Shpend Ahmeti tha se me gjithë rritjen e rasteve në kryeqytet po menaxhohet situata me Covid-19.

“Ne vazhdojmë t’i kryejmë detyrat tona. I kemi rreth 400 raste aktive në kryeqytet. Deri sot jemi në gjendje të kemi situatën në kontroll”, tha ai.