FFK konfirmon lajmin e IndeksOnline: Dënon sekretarin e Llapit për shkak të përleshjes me Zhdrellën dhe Osmanin

IndeksOnline me përfundimin e ndeshjes ndërmjet Llapit dhe Drenicës kishte raportuar se pas përfundimit të kësaj ndeshje në dhomat e zhveshjes sekretar Muhamet Rexhepi ishte përleshur me futbollistët e skuadrës Mentor Zhdrellën dhe Labinot Osmani për trukim të ndeshjes.

Ani pse një gjë e tillë është hedhur poshtë nga vet drejtuesit e klubit si dhe Rexhepi, FFK sot ka konfirmuar një gjë të tillë madje komisioni disiplinor ka dënuar me 300 euro sekretari llapjan për këtë përleshje.

“Muhamet Rexhepi  sekretar i KF “LLAPI   1932“ nga Podujeva, në procedurë të pezullimit nga mbledhja e kaluar e komisionit disiplinor  për deklarime dhe akuza  të lëshuara  në drejtim të lojtarëve  Labinot Osmani  dhe Mentor  Zhdrella  lidhur me ndeshjen e javës së XXIV-të të Ipko Superligës së Kosovës  në futboll  për kategorinë e seniorëve; LLAPI – DRENICA , e zhvilluar në stadiumin “Zahir Pajaziti“ në Podujevë (raportet zyrtare  dhe deklaratat plotësuese  të lëshuara nga dy lojtarët e akuzuar ). Bazuar në nenin 40 paragrafi 1 pika 3 dhe nenin 10 paragrafi 2  të Rregullores  disiplinore : DENOHET në të holla në shumë prej; 300  euro (treqind euro). Afati i pagesës së dënimit të shqiptuar në të holla është 15 ditë nga  data kur vendimi  bëhet i plotfuqishëm . (Rregullorja disiplinore neni  11 paragrafi 1)”, thuhet në njoftimin e Komisionit Disiplinor të FFK-së.