Reagon Apostolova, pasi nuk ratifikohen marrëveshjet ndërkombëtare financiare

Shefja e Zyrës së Bashkimit Evropian në Kosovë, Natalyia Apostolova ka thënë se është zhgënjyer nga deputetët pasi ata nuk votuan për ratifikimin e marrëveshjeve ndërkombëtare në seancën e sotme.

Sipas Apostolovës mosmarrëveshjet politike të përfaqësuesve të popullit të kosovës po i pamundësojnë qytetarëve të përfitojnë nga përkrahja ndërkombëtare dhe fondeve të BE-së, shkruan Indeksonline.

Deeply disappointed with MPs failing to ratify yet another time international agreements today. Political bickering of KS people representatives is depriving the citizens to benefit from international and EU funds and support.

— Nataliya Apostolova (@ApostolovaEU) July 9, 2020

“Thellësisht e zhgënjyer nga deputetët që nuk arritën të ratifikojnë edhe një herë tjetër marrëveshjet ndërkombëtare sot. Mosmarrëveshjet politike të përfaqësuesve të popullit të kosovës po i pamundësojnë qytetarëve të përfitojnë nga përkrahja ndërkombëtare dhe fondeve të BE-së”, ka shkruar shefja e Zyrës së BE-së në Kosovë.

Të gjitha marrëveshjet morën vetëm 75 vota për, asnjë kundër dhe asnjë abstenim. Por, për ratifikimin e marrëveshjeve ndërkombëtare, është e nevojshme mbështetja e 2/3 të deputetëve të kuvendit apo 80 vota.

Sipas të dhënave të Ministrisë së Financave, pesë marrëveshjet ndërkombëtare janë në vlerë prej 253 milionë eurosh dhe do të ndihmonin Kosovën në përballimin e situatës shëndetësore dhe ekonomike të shkaktuar nga pandemia e koronavirusit./Indeksonline/