Macja, kafsha e parë në Mbretërinë e Bashkuar që teston pozitive për Covid-19

Një mace është bërë kafsha e parë në Britani të Madhe që teston pozitive për Covid-19 , sipas Shefit të përgjithshëm të veterinarisë në Mbretërinë e Bashkuar. Por ka një lajm të mirë – kafsha dhe pronarët e saj tani janë shëruar plotësisht.

Infeksioni i maces u konfirmua pas testeve në laboratorin e Agjencisë së Shëndetit të Kafshëve dhe Bimëve (APHA) në laboratorin Weybridge, Angli, më 22 korrik, sipas një njoftimi për shtyp nga qeveria e Mbretërisë së Bashkuar, shkruan CNN, transmeton Indeksonline.

Qeveria tha që macja ishte “rasti i parë i konfirmuar i një infeksioni të kafshëve me llojin e koronavirusit në Mbretërinë e Bashkuar”. Por u tha se nuk kishte asnjë provë që macja ua kishte transmetuar virusin pronarëve të saj.

“Të gjitha provat në dispozicion sugjerojnë që macja kontraktoi koronavirusin nga pronarët e saj të cilët më parë kishin testuar pozitiv për Covid-19”, thuhet në njoftimin për shtyp.

Ka pasur raporte për mace dhe qen, për kafshë të testuara pozitive për koronavirus në New York, Hong Kong dhe Holandë./Indeksonline/