Motrat binjake, të martuara me vëllezër binjakë, janë shtatzëna në të njëjtën kohë
Brittany dhe Briana Deane, 33 vjeç, u njohën me bashkëshortët e tyre në një kongres binjakësh në Twinsburg, Ohio, në vitin 2017. Çiftet, të cilët ishin dhe subjekt i dokumentarit TLC, “Our Twinsane Wedding”, u fejuan vetëm gjashtë javë pas njohjes me njëri-tjetrin.
Me një foto të stilit Baywatch, çiftet njoftuan lajmin e shtatzënisë. Të veshur njësoj, sigurisht, ata shprehen se janë “të emocionuar dhe mirënjohës për t’i përjetuar këto shtatzëni” dhe se mezi presin të njihen me bebet e tyre. Ende nuk kanë treguar nëse presin binjakë apo jo.
Ky gëzim i përbashkët, duket një rastësi e lezetshme, megjithatë çiftet janë siguruar që çdo gjë të shkojë kështu. Ata kanë vendosur edhe “kohën e duhur” për të bërë bebet, në mënyrë që gratë të jenë shtatzëna njëkohësisht.
Muajin e kaluar, Brittany, shprehet në një intervistë:
“Mendoj se ka mbetur vetëm diçka që nuk e kemi provuar se bashku. Ne kemi kaluar bashkë pikat më të rëndësishme të jetës: ditëlindjet, marrjen e patentës, diplomimin e madje dhe një dasmë të dyfishtë.”
Mesa duket, edhe shtatzënia është diçka që motrat zgjodhën ta përjetojnë në ekzaktësisht të njëjtën kohë.
