Zemaj komenton rastin ku kufoma qëndroi në dhomë për disa orë

Ministri i Shëndetësisë Armend Zemaj, ka komentuar rastin në Klinikën e Pulmologjisë ku ka qëndruar një kufomë për disa orë në një dhomë ku qëndronin edhe pacientët e tjerë.

Zemaj tha se trajtimi i këtij rasti është në kompetencë të Shërbimit Spitalor, Klinik dhe Universitar dhe Inspektoratit të Shëndetësisë.

“Për këtë arsyen janë inspektorët dhe është kompetencë e SHSKUK-së, të trajtojë diçka nëse është me urgjencë”.

I pari i Shëndetësisë në Kosovë theksoi se brenda disa ditësh do të bëhet ngritja e kapaciteteve dhe rritja e testimeve.

“Brenda 3-4 ditëve do të fillon edhe ngritja e kapaciteteve dhe rritja e numrit të testimeve”.