Ngjarje e rëndë në Itali, vdes në një aksident trafiku i riu shqiptar

Një djalë i ri shqiptar humbi jetën dhe tre të tjerë u plagosën në një aksident rrugor që ndodhi natën duke gdhirë dita e sotme në Chiari, rajonin Breshia të Italisë.

Mediat lokale raportuan sot se një makinë ku po udhëtonin 4 të rinj shqiptarë, të moshës 19-20 vjeç, ka humbur drejtimin në rrethana ende të paqarta duke u përplasur me një pemë.

Viktima është identifikuar si Klajdi Hallulli dhe ka qenë duke drejtuar mjetin. Ai nuk i ka mbijetuar plagëve të marra dhe ka humbur jetën në spital.

Ndërkohë tre të rinjtë e tjerë kanë mbetur të plagosur, por një prej tyre ndodhet në gjendje kritike për jetën.

Ndërsa 2 të tjerët kanë marrë lëndime më të lehta dhe janë jashtë rrezikut për jetën.