​496 raste të reja dhe 7 viktima nga koronavirusi në Mal të Zi

Në Malin e Zi, 496 raste të reja të koronavirusit u konfirmuan në 24 orët e fundit dhe shtatë persona vdiqën, njoftoi sot Instituti i Shëndetit Publik.

Në të njëjtën periudhë, u testuan 1,299 njerëz, raporton portali Vijesti.

Shumica e rasteve të reja janë në Podgoricë, Nikshiq, Budva dhe Bjello Pole.

Aktualisht, ka 4.343 raste aktive në Malin e Zi. Që nga fillimi i pandemisë në këtë vend 19,210 njerëz kanë qenë pozitivë për virusin korona, ndërsa 320 pacientë kanë vdekur.