Decision Desk: Biden është Presidenti i 46-të i ShBA-së

Faqja “Decision Desk HQ”, ka thënë se kandidati demokrat, Joe Biden, tashmë i ka fituar zgjedhjet presidenciale dhe është zgjedhur president i ri i Shteteve të Bashkuara të Amerikës.

Sipas kësaj faqeje, Bideni ka shënuar fitore në shtetin kyç, Pensilvani, e bashkë me të edhe 20 votat e Kolegjit Zgjedhor që ka ky shtet.

Faqja ka raportuar se numri i përgjithshëm i votave të siguruara nga ai në Kolegjin Zgjedhor tani ka shkuar në 273, tri më shumë se pragu i nevojshëm prej 270 votash që nevojiten për t’u zgjedhur president.

“Joe Biden është zgjedhur Presidenti i 46-të i Shteteve të Bashkuara të Amerikës”, ka shkruar kjo faqe në rrjetin Twitter.

“Decision Desk” e shpalli fitoren e Joe Bidenit në Pensilvani në orën 8 e 50 sipas kohës lokale.

This morning there was a clerical error in the Shiawassee, MI county presidential data,. Once we identified the error, we cleared the erroneous data and updated it with the correct data as provided by officials. We stand by our data as reflected on https://t.co/J7J00UQxN8.

— Decision Desk HQ (@DecisionDeskHQ) November 4, 2020