Andi Lila pasi u largua pa vullnetin e tij nga stadium i Kavajës: Në Shqipëri po instalohet diktatura

Një ditë më parë postimi i Andi Lilës në profilin e tij Instagram bëri bujë.

Ish-futbollisti i Kombëtares shkruante se u largua në mënyrë agresive nga fusha e vjetër në Kavajë dhe kjo lidhet vetëm me faktin që ka hedhur kanditaturën si deputet në Partinë Demokratike.

Andi Lila po bënte një intervistë për jetën e tij futbollistike për News 24 por dy zyrtarë të Bashkisë Kavajë ndërprenë gjithçka.

34-vjeçari shihet teksa komunikon me një polic bashkiak dhe një person me emrin Aldo, që i thotë troç se është politikë dhe se duhet të largohet nga fusha e blertë.

Në Shqipëri po instalohet diktatura. Me Partinë Socialiste fillimisht u shemb Teatri, pastaj nxirren futbollistët jashtë stadiumit”, tha ai.