Rakiq thyen heshtjen zgjedhore, kërkon të votohet kandidati i Listës Serbe

Kryetari i Listës Serbe, Goran Rakiq, u ka bërë thirrje qytetarëve të Mitrovicës së Veriut që të dalin të votojnë në zgjedhjet e sotme.

Ai para mediave pas votimit ka thënë se banorët e asaj ane duhet të votojnë për kandidatin e Listës Serbe, Milan Radojeviq.

“Qytetarët janë duke dalë të votojnë të bashkuar. Ftoj qytetarët e komunës së Mitrovicës së Veriut që të dalin të votojnë duke respektuar masat kundër COVID-19 dhe duhet ta votojnë kandidatin e Listës Serbe”, ka deklaruar Rakiq.