Turizmi botëror “për toke”, sikur në vitet e ’90

Ardhjet ndërkombëtare turistike ranë me 72% në 10 muajt e parë të vitit 2020, duke e shtyrë turizmin botëror përsëri në nivelet që nuk janë parë që nga viti 1990, sipas Organizatës Ndërkombëtare të Turizmit të KB.

Destinacionet globale morën 900 milion më pak turistë ndërkombëtarë sesa në të njëjtën periudhë në 2019, duke përfaqësuar një humbje prej 935 miliardë dollarësh për sektorin – 10 herë më shumë se në krizën ekonomike të vitit 2009.

Sekretari i Përgjithshëm i UNWTO Zurab Pololikashvili tha se “që nga fillimi i kësaj krize, UNWTO u ka siguruar qeverive dhe bizneseve të dhëna të besueshme që tregojnë ndikimin e paparë të pandemisë Covid-19 në turizmin global”, transmeton IndeksOnline.

“Ndërsa lajmet për një vaksinë rrit besimin e udhëtarëve, që ka ende një rrugë të gjatë për shërim. Kështu që ne kemi nevojë për të rritur përpjekjet tona për të hapur në mënyrë të sigurt kufijtë ndërkohë që mbështesim punët e turizmit dhe bizneset.

Është gjithnjë e më e qartë se turizmi është një nga sektorët më të prekur nga kjo krizë e paparë”, shtoi ai./IndeksOnline/