Alvarez mposht boksierin britanik Smith, mbron titujt e WBA dhe WBC
Boksieri meksikan Saul Canelo Alvarez mposhti me vendim unanim të gjyqtarëve britanikun Callum Smith, duke unifikuar titujt kampionë bote në peshën super të mesme.
Të tre gjyqtarët i dhanë fitoren boksierit meksikan: 119-109, 119-109 dhe 117-111, shkruan Indeksonline.
Tashmë Alvarez mban titujt e kategorive WBA dhe WBC në peshën super të mesme, duke qenë edhe kampion bote në 4 kategori të ndryshme peshash.
Sfida e zhvilluar në San Antonio u dominua nga Canelo Alvarez, që e meritoi fitoren edhe pse Smith rezistoi deri në fund.
Grushtet e meksikanit bënë diferencën, duke mos i dhënë asnjë shans britanikut Smith të fitojë.
Për Canelo Alvarez ky është suksesi nr.54, ndërkohë që numëron edhe 1 humbje e 2 barazime. Ndërsa për Smith kjo ishte humbja e parë në karrierë, që vjen pas 27 fitoresh radhazi. /IndeksOnline/
Saul Canelo Alvarez 12-0 Shutout Win
— David (@UnFadeable21) December 20, 2020
He’s now 3 division World Champion at 154, 160, & 168 destroying the 27-0 undefeated Super Middleweight Champ Callum Smith
Ring generalship, defense, pressure, fundamentals, power, he has everything & Number 1 P4P Boxer#CaneloSmith #Boxing pic.twitter.com/myhQe8pVj6
