Studimi: Njërëzit bëjnë më shumë seks gjatë fundjavave, në Krishtlindje – jashtë menusë

Nëse Krishtlindja ju lë të ndiheni më pak të eksituar, nuk jeni vetëm.

Nuk dihet nëse është stresi apo  konsumimi i tepërt i ushqimit dhe alkoolit por  interesi për seks bie në prag të Krishtlindjeve, sugjerojnë kërkimet, shkruan The Guardian.

Sidoqoftë, kjo kompensohet nga një rritje e madhe e aktivitetit seksual gjatë vitit të ri.

Studiuesit kanë vërejtur prej kohësh ndryshime në lindjet në periudha të ndryshme të vitit, por s’dihet nëse kjo ishte rezultat i luhatjeve sezonale të pjellorisë apo aktiviteti seksual ishte e paqartë.

Për të hetuar, Laura Symul në Universitetin Stanford në Kaliforni dhe kolegët e saj iu drejtuan të dhënave nga aplikacioni shëndetësor i grave Clue, i cili përfshinte regjistra anonimë të aktivitetit seksual nga më shumë se 500,000 gra në MB, Francë, Brazil dhe SH.B.A.

Studimi tregoi se festat – përfshirë festat kombëtare edhe Ditën e Shën Valentinit – ishin gjithmonë të shoqëruara me një kulm në aktivitetin seksual.

 “Kishte gjithashtu një ndryshim shumë të fortë midis fundjavës dhe ditëve të javës – njerëzit bëjnë më shumë seks gjatë fundjavave”, tha Micaela Martinez në Universitetin Columbia në Nju Jork, e cila ishte gjithashtu e përfshirë në kërkim.

 “Kjo sugjeron që të kesh kohë të lirë me partnerin tënd intim lehtëson seksin.”

Sidoqoftë, të dhënat treguan se tre ditë përpara Krishtlindjes përfaqësonin një zonë të ndaluar për shumë gra. Në rastin e grave më të reja ose pa fëmijë, kjo mund të jetë për shkak të atyre që kalojnë Krishtlindjet me prindërit e tyre, në vend të partnerëve romantikë, tha Symul./IndeksOnline/