Avdullah Hoti kandidat i LDK-së për kryeministër

Kryesia e Lidhjes Demokratike të Kosovës ka vendosur që Avdullah Hoti të jetë kandidat për kryeministër në zgjedhjet e ardhshme.

Hoti, që aktualisht është kryeministër në detyrë ka marrë besimin e kryesisë, ani pse nominimi i tij ka sjellë pakënaqësi te disa anëtarë të kryesisë.

Hoti ka qenë një nga kandidatët e pëlqyer të kryetarit Mustafa, gjë e cila ka qenë një atu e fortë për të.

Hoti edhe në të kaluarën ka qenë i nominuar për kryeministër nga LDK-ja kur në vitin 2017 ishte rënditur si partia e tretë në vend me 185 mijë vota të fituara./Indeksonline/