Trump: Ky nuk është fundi, do të kthehem, shihemi së shpejti

Në fjalimin e tij të fundit si president i Shteteve të Bashkuara, Donald Trump ua kujtoi njerëzve atë se çfarë ai dhe administrata e tij arritën në këtë mandat 4-vjeçar.

Trumpi premtoi se ku nuk është fundit i karrierës së tij polike. “Në një lloj forme, do të kthehem. Shihemi së shpejti”, tha ai, ndërsa mediat kanë raportuar se ai ka ideuar edhe krijimin e një partie të re.

Ishin 4 vjet të mrekullueshëm, kemi bërë aq shumë gjëra bashkë. Dua të falënderoj familjen, miqtë dhe të gjithë të tjerët. Njerëzit nuk e dinë sesa shumë ka punuar kjo familje. Mund të kishte pasur një jetë shumë më të lehtë. Ishte diçka shumë e veçantë”, tha Trumpi.

“Nuk ishim një administratë e zakonshme. Rregulluam ushtrinë dhe veteranët. Ulëm taksat. Shpresoj të mos i rrisin taksat, por nëse e bëjnë, ju pata thënë. Prandaj patëm edhe shifra kaq të mira në punësim. Po të mos ishim goditur nga pandemia do të kishim pasur shifra të jashtëzakonshme. Deri në shkurt (2020) kishim shifrat më të mira ndonjëherë”.

“Vaksina ishte një mrekulli e mjekësisë. E bëmë për 9 muaj, në vend që për 9 vjet. Muajt e ardhshëm do të shihni shifra të jashtëzakonshme në ekonomi. Kemi punuar shumë. Kemi lënë gjithçka në fushë.

Ka ende shumë gjëra për të bërë. Gjëja e parë është të kujtojmë viktimat e virusit kinez.

Jeni të mrekullueshëm. Ky është një vend madhështor. Ishte nderi dhe privilegji im më i madh që isha presidenti juaj. Do të luftoj gjithmonë për ju, do të shoh, do të dëgjoj dhe ju them që e ardhmja e këtij vendi do të jetë e shkëlqyer. I uroj kësaj administrate suksese dhe mendoj se do t’ia dalin. Kanë një bazë spektakolare nga t’ia nisin. Në një lloj forme, do të kthehem. Shihemi së shpejti”.