Si të votohet për Ramë Likajn më 14 shkurt

Ramë Likaj është kandidat për deputet nga radhët e Aleancës për Ardhmërinë e Kosovës në zgjedhjet e 14 shkurtit, shkruan Indeksonline.

Në këto zgjedhje, Likaj mban numrin 51, ndërsa numri i AAK-së është 135.

Kujtojmë që Likaj aktualisht mban pozitën e ministrit në detyrë të Arsimit dhe Shkencës.

Por kush është Ramë Likaj?

Ramë Likaj është profesor i rregullt në Fakultetin e Inxhinierisë Mekanike në Universitetin e Prishtinës që nga viti 1994, ku ligjëron disa lëndë në nivelet bachelor dhe master.

Ramë Likaj në Qeverinë Haradinaj ishte këshilltar i kryeministrit për çështje të arsimit.

Gjatë viteve 2015-2017 ishte këshilltar i Ministrit të Arsimit të asaj kohe, Arsim Bajramit të PDK-së, duke kryer punë vullnetare.

Në vitet 2015-2016 ishte edhe Kryesues i Këshillit Drejtues të Universitetit “Haxhi Zeka” në Pejë.

Nga vitet 2016-2019 ishte edhe profesor në Kolegjin FAMA.

Nga viti 2013 është edhe ekspert për sigurimin e cilësisë dhe akreditim në Autoritetin Kombëtar të Kualifikimeve.