Daka: 500 të vdekur janë larguar nga listat e votuesve

Kryetarja e Komisionit Qendror Zgjedhor u ka bërë thirrje komisionarëve që të kryejnë detyrat e tyre me ndershmëri sipas ligjit në fuqi dhe të mos ketë keqpërdorime në votime.

Daka në një konferencë të organizuar tha se nga lista e të votuesve janë larguar 500 persona të vdekur, përcjell Indeksonline.

“Diku 500 qytetar të vdekur janë larguar nga lista e votuesve, kjo ka ndodhur në mes të dy palë zgjedhjeve periudhe kjo shumë e shkurtë të cilën e kemi pas në dispozicion. Por gjithsesi unë gjithmonë e kam përsërit që të vdekurit nuk munden me votu vetë, që do të thotë dikush voton në emër të tyre dhe ata janë ata që e keqpërdorin sepse vetë fakti që është një emër i një personi të vdekur nuk qon peshë asgjë nëse nuk keqpërdorët emri i tij”, ka ajo.

Daka i bëri thirrje në radhë të parë komisionerëve të cilët do të jenë në detyrë që mos ta keqpërdorin këtë proces dhe që ti zbatojnë ligjin dhe rregullat mbi zgjedhjet.