Prishtinë/ Burri përplas për toke një grua, nuk ia ofroi shërbimin që dëshironte

Dje në Policinë e Kosovës një femër ka raportuar se është sulmuar dhe rrëzuar për toke nga një mashkull, shkruan Indeksonline.

Sipas raportit të Policisë, viktima nuk i kishte kryer një shërbim që mashkulli kërkonte.

Rasti ka ndodhur në Prishtinë, në ora 12:50.

“Prishtinë  07.04.2021 – 12:50. Ankuesja femër kosovare, ka informuar se është sulmuar dhe rrëzuar për tokë nga i dyshuari mashkull kosovar, për arsye se nuk i kishte kryer një shërbim që kishte kërkuar ai. Nuk raportohet për të lënduar. Rasti është duke u hetuar”.