“Mund të bëjmë edhe punë të tjera jashtë shtëpisë”, gruaja me mbulesë kampione në garat me vetura

Ta vozitësh veturën për dikë është shumë e thjesht, derisa ka prej tyre që me shumë vështirësi arrin t’ia dalin.

Këtë vozitje, madje dikush e ka pasion. Por, ja që edhe për këtë pjesë paragjykimet nuk mungojnë, sidomos kur në timon është një grua.

Gjithësi, ka shumë raste kur pikërisht gratë janë shumë më të zonjat sesa burrat.

Këtë e tregon më së miri rasti i Brunilda Tafilit nga Shqipëria. Ajo është e martuar në Kaçanik, ndërkohë ka mësuar të vozisë qysh nga mosha 9 vjeçe dhe sot është kampione.

Ajo tha se arsyeja që ka marrë pjesë në këto gara është për të dhënë një mesazh të fuqishëm që femrat e mbuluara mund të bëjnë edhe punë të tjera jashtë shtëpisë.