Koronavirusi në Shqipëri, pesë viktima në 24 orët e fundit

Pesë persona me COVID-19 kanë vdekur në 24 orët e fundit në Shqipëri.

“Me gjithë përpjekjet e stafit mjekësor pesë qytetarë e kanë humbur betejën me COVID-19: dy qytetarë nga Shkodra, një qytetar nga Durrësi, një qytetar nga Kavaja, një qytetar nga Peqini, të moshave 63 – 77 vjeç”.

Në ndërkohë janë konfirmuar edhe 139 raste të reja pozitive nga gjithsej 3457 testime të kryera.

“Rastet pozitive të konfirmuara janë identifikuar në këto bashki: 31 raste në Tiranë, 11 raste në Korçë, 8 raste në Shkodër, Fier, Devoll, 7 raste në Durrës, Skrapar, 6 raste në Gjirokastër, 5 raste në Lezhë, Vlorë, Pogradec, Sarandë, 4 raste në Peqin, 3 raste në Elbasan, Lushnje, Libohovë, 2 raste në Kukës, Mirditë, Berat, Librazhd, Kamëz, Gramsh, Maliq, Këlcyrë, 1 rast në Mallakastër, Tepelenë, Belsh, Poliçan”.

Në 24 orët e fundit janë shëruar 738 qytetarë, duke e çuar numrin e të shëruarve në 105,016 që nga fillimi i pandemisë.

Aktualisht në spitalet COVID në Tiranë dhe tre spitalet rajonale po trajtohen 154 pacientë, 12 në terapi intensive, nga të cilët tre pacientë janë të intubuar.

Statistika (24 Prill 2021)

Raste të reja ditore        139
Të shëruar në 24 orë      738
Të shtruar në spitale      154
Humbje jete në 24 orë   5
Testime ditore                3457

Testime totale           624,200
Raste pozitive             130,409
Raste të shëruara        105,016
Raste Aktive                 23,021
Humbje jete                   2,372

Shpërndarja gjeografike e rasteve aktive sipas qarqeve:

Tiranë   17561
Fier      1983
Durrës  770
Shkodër      694
Gjirokastër   485
Korçë    567
Vlorë    325
Kukës     227
Dibër    177
Elbasan   123
Berat       76
Lezhë     33.