​Covid-19/ Asnjë vdekje e regjistruar nga koronavirusi në Angli në 24-orët e fundit

Asnjë vdekje nga koronavirusi nuk është regjistruar në Angli në periudhën e fundit 24-orëshe. Mediat e huaja raportojnë se kjo është hera e parë që Anglia nuk regjistron asnjë vdekje koronavirus në një ditë të vetme që nga 30 korriku, 2020.

Numri aktual i përgjithshëm i të vdekurve në Angli mbetet në 112,254, që nga e hëna. Ndërkohë, si një e tërë, Britania e Madhe raportoi vetëm katër vdekje të reja të hënën.

Të hënën, niveli i alarmit COVID në Mbretërinë e Bashkuar u zvogëlua pas një rënieje “të qëndrueshme” të rasteve, pranimeve në spital dhe vdekjeve.