Programi i Qeverisë, deputetët mblidhen sot në 11:00

Deputetët e Kuvendit të Kosovës do të mblidhen sot për të zhvilluar seancë.

Seanca e sotme parashihet të nis në ora 11:00 dhe është vazhdim i seancës së jashtëzakonshme e cila u zhvillua të hënën.

Përfaqësuesit e pozitës, ndërkaq, u shprehën të bindur se Programi qeveritar është ndër programet më të mira të paraqitura deri më tani, por që u kritikua nga opozitarët.

Në këtë frymë debati u zhvillua deri në orët e vona të pasdites. Seanca e jashtëzakonshme u thirr bazuar në kërkesën e kryeministrit të vendit, Albin Kurti, me temën: Prezantimi i Programit të Qeverisë së Republikës së Kosovës për vitet 2021-2025.