Jennifer Aniston rrëfen emocionet e rikthimit të ‘Friends’: Është si udhëtim në kohë

Aktorja e njohur, Jennifer Aniston thotë se rikthimi i “Friends” pas 17 vitesh është si ‘udhëtimi në kohë’ një një epokë specifike të jetës së saj.

Jennifer Aniston tha se kthimi në setin e “Friends” ishte si ‘një grusht në zemër’, shkruan Daily Mail.

Aktorja 52-vjeçare kohët e fundit bëri një kthim triumfues në skenën e serialit hit 17 vjet pasi shfaqja përfundoi, për të filmuar një ribashkim special për HBO Max.

Dhe pas episodit special të transmetuar javën e kaluar, interpretuesja tani ka dhënë detaje se sa emocionuese ishte të kthehej në setin që i dha formë karrierës së saj.

Ajo tha: “Ishte një grusht në zemër në një farë mënyre. Ishte për të gjithë ne, mendoj. Edhe Courteney, na dolën lotët”.

Aniston, e cila luajti Rachel Green në serial nga 1994 më 2004, pranoi se ajo dhe aktorët tjerë ishin ‘shumë naiv në atë që ato prisnin’ kur u kthyen në skenën 24 në Warner Bros Studios për të filmuar ribashkimin.

Ajo gjithashtu vuri në dukje se, kur ajo dhe yjet tjerë panë të gjitha të njëjtat rekuizita dhe pjesë muzikore të përdorura në serinë origjinale, ata u mposhtën me emocione.

“Por ne e dinim se ishte koha për të thënë lamtumirë. Jetët tona ishin përpara nesh. Ne kishim të ardhmen tonë përpara”, shtoi ajo.

“Pothuajse ndjehej sikur koha ishte ndalur dhe ne udhëtuam. Dhe ka diçka të mirë në këtë, dhe pastaj ka thyerje zemre në këtë”, deklaroi ajo.

Dhe ylli i Morning Show gjithashtu tha se ajo ende përpiqet të gjejë fjalët për të përshkruar se sa e rëndësishme është “Friends” për të, edhe pas gjithë këtyre viteve.

Të gjithë anëtarët kryesorë të kastit u kthyen për episodin special, i cili paraqiti disa yje të ftuar, duke përfshirë Cara Delevingne, Kit Harington dhe David Beckham.

Krijuesit e shfaqjes, Marta Kauffman dhe David S. Crane, u kthyen si producentë ekzekutivë për episodin.