Kandidati i LDK-së për kryetar të Obiliqit

Mehmet Krasniqi është zgjedhur kandidat për kryetar të Obiliqit nga Lidhja Demokratike e Kosovës.

Lajmin e ka bërë të ditur vetë Krasniqi me anë të një postimi në profilin e tij në Facebook.

Ai ka thënë se do të rikthehet shpresa dhe dinjiteti i qytetarëve të Obiliqit.

POSTIM I PLOTË

Me rastin e propozimit tim kandidat për kryetar komune,falenderojë përzemërsisht kryesinë e degës së LDK-së në Obiliq, bashkëpunetorët e mi besnik që sikur edhe më parë, më mbështetën fuqishëm në synimin për t’ia kthyer dinjitetin e shpresën qytetarit tonë për një jetë e të ardhme më të mirë.

Zotohem që këtë besim do ta përkthejmë në unitet të fuqishëm me qytetarët që komuna e jonë të ketë mirëqenie e zhvillim pasi i ka të gjitha mundësitë e nevojshme.