Rrëzohet nga një lartësi e mitura nga Prishtina, nuk e merr trajtimin e duhur mjekësor, i përkeqësohet gjendja

Dy ditë më parë rreth orës 19:00 një e mitur duke lozur është rrëzuar nga një lartësi.

Rasti ka ndodhur në Prishtinë, derisa e mitura pasi ka marrë tretmanin mjekësor është liruar, shkruan Indeksonline.

Kurse dje, viktimës i është përkeqësuar gjendja dhe është hospitalizuar në repartin e neurokirurgjisë.

Lidhur me këtë Policia e Kosovës ka hapur rast për “lëndim të rëndë trupor dhe trajtim të pandërgjegjshëm mjekësor”.

“Prishtinë 06.07.2021 – 19:00. Raportohet se viktima femër kosovare (e mitur) duke lozur është rrëzuar nga një lartësi. Pasi ka marr tretman mjekësor, është liruar, ndërsa më 07.07.2021 viktimës i është keqësuar gjendja dhe është dërguar në emergjencë dhe është hospitalizuar në repartin neurokirurgjisë. Me vendim të prokurorit, rasti është inicuar dhe do të hetohet”.