Arrestohen dy persona të kërkuar në Ferizaj

Policët nga stacioni policor në Ferizaj, në bazë të një informacioni inteligjent të pranuar, kanë arritur që të arrestojnë dy persona me inicialet:  A.RR, ( M/K),  48  vjeçar dhe S.RR (M/K) 44 vjeçar.

Ata ishin të kërkuar në bazë të urdhëresës së Gjykatës Themelore në Ferizaj, për veprën e njejtë penale ‘’Sulm ndaj personit zyrtar’’, me dënim burgimi, njëri prej tetë muajve dhe tjetri prej katër  muajve.

Pas kompletimit të dokumentacionit, të njëjtit dërgohen në vuajtje të dënimit.

Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës.