Afganistan, vajzat e mitura po u shiten të moshuarve – ndërsa familjet preken nga uria

Parwana Malik, një vajzë 9-vjeçare me sy të errët, qesh me miqtë e saj teksa ata luajnë me litar kërcimi në një vend me pluhur.https://168e36ef0799dba00cfb0994bfc75f4f.safeframe.googlesyndication.com/safeframe/1-0-38/html/container.html

Por e qeshura e Parvanës zhduket ndërsa ajo kthehet në shtëpi, një  kasolle e vogël me mure dheu: ajo po i shitet një të huaji si nuse, edhe pse është fëmijë.

Burri që dëshiron të blejë vajzën e mitur thotë se është 55 vjeç, por për të miturën, ai është “një plak” me vetulla të bardha dhe mjekër të bardhë. Kështu tha ajo për CNN më 22 tetor.  Ajo shqetësohet se ai do ta rrahë dhe do ta detyrojë të punojë në shtëpinë e tij.

Por prindërit e saj thonë se nuk kanë zgjidhje tjetër.

Për katër vjet, familja e saj ka jetuar në një kamp në provincën veriperëndimore Badghis, duke mbijetuar nga ndihma humanitare dhe puna e lodhshme dhe e papaguar e prindërce të saj, duke fituar disa dollarë në ditë. Por jeta është bërë më e vështirë që kur talebanët morën pushtetin në Afganistan më 15 gusht.

Ndërsa ndihma ndërkombëtare zbehet dhe ekonomia e vendit shembet, ata nuk janë në gjendje të përballojnë nevojat bazë si ushqimi. Babai i saj tashmë e shiti motrën e saj 12-vjeçare disa muaj më parë.

Parwana është një nga shumë vajzat e reja afgane të shitura për martesë, ndërsa kriza humanitare në vend thellohet. Uria ka shtyrë disa familje të marrin vendime zemërthyese, veçanërisht kur afrohet dimri brutal.

Prindërit i dhanë CNN akses të plotë dhe leje për të folur me fëmijët dhe për të treguar fytyrat e tyre, sepse ata thonë se nuk mund ta ndryshojnë praktikën vetë.

“Dita ditës, numri i familjeve që shesin fëmijët e tyre po rritet” tha Mohammad Naiem Nazem, një aktivist i të drejtave të njeriut në Badghis. “Mungesa e ushqimit, mungesa e punës, familjet mendojnë se duhet ta bëjnë këtë”.

Një zgjedhje e detyruar

Abdul Malik, babai i Parvanës, nuk fle  natën. Ai i tha CNN se është Ii  “thyer” nga faji, turpi dhe shqetësimi.

Ai ishte përpjekur të shmangte shitjen e saj. Ai udhëtoi për në kryeqytetin provincial Qala-e-Naë për të kërkuar punë pa sukses, madje duke marrë hua “shumë para” nga të afërmit dhe gruaja e tij iu lut banorëve të tjerë të kampit për ushqim.

Por ai ndjeu se nuk kishte zgjidhje nëse dëshiron të ushqejë familjen e tij.

“Ne jemi tetë anëtarë të familjes”, tha ai për CNN. “Duhet të shes për të mbajtur gjallë anëtarët e tjerë të familjes”.

Paratë nga shitja e Parvanës do ta mbajnë familjen vetëm për disa muaj, përpara se Malik të gjejë një zgjidhje tjetër..

Parvana tha se shpresonte të ndryshonte mendjen e prindërve të saj — ajo kishte ëndrra të bëhej mësuese dhe nuk donte të hiqte dorë nga arsimimi i saj. Por lutjet e saj ishin të kota.

Më 24 tetor, Qorban, blerësi, i cili ka vetëm një emër, mbërriti në shtëpinë e saj dhe i dorëzoi rreth 2,200 dollarë  pasuri  dhe  para cash babait të saj.

“Kjo është nusja juaj. Ju lutemi kujdesuni për të … ju lutem mos e rrihni”

Qorban nuk e përshkroi shitjen si martesë, duke thënë se ai tashmë kishte një grua që do të kujdesej për vajzën e vogël sikur të ishte një nga fëmijët e tyre.

“(Parwana) ishte e lirë, dhe babai i saj ishte shumë i varfër dhe ai kishte nevojë për para,” tha Qorban. “Ajo do të punojë në shtëpinë time. Unë nuk do ta rrah. Do ta trajtoj si një anëtar të familjes. Do të jem i sjellshëm.”

Parëana, e mbuluar me një kurorë me lule shumëngjyrëshe rreth qafës së saj, fshehu fytyrën dhe pëshpëriti ndërsa babai i saj duke qarë i tha Qorbanit: “Kjo është nusja juaj. Ju lutemi kujdesuni për të — ju jeni përgjegjës për të tani, ju lutem mos e rrihni.”

Qorban pranoi, më pas e kapi krahun e Parvanës dhe e nxori nga dera. Ndërsa ata u larguan, babai i saj duke parë nga porta, Parëana përplasi këmbët e saj në tokë dhe u përpoq të tërhiqej. Ajo u tërhoq zvarrë në makinën e pritjes, e cila iku ngadalë.

Pushteti mizor i talebanëve

Që nga marrja e pushtetit nga Talibanët, histori si ajo e Parvanës kanë qenë në rritje.

Megjithëse martesa me fëmijë nën 15 vjeç është e paligjshme në mbarë vendin, ajo është praktikuar zakonisht për vite me rradhë, veçanërisht në pjesët më rurale të Afganistanit. Dhe është përhapur masivisht nga gushti i këtij viti, për shkak të urisë

Më shumë se gjysma e popullsisë po përballet me pasiguri akute ushqimore, sipas një raporti të Kombeve të Bashkuara të publikuar këtë javë. Dhe më shumë se 3 milionë fëmijë nën moshën 5 vjeç përballen me kequshqyerje në muajt e ardhshëm. Gjatë gjithë kohës, çmimet e ushqimeve po rriten, bankave po u mbarojnë paratë dhe punëtorët nuk paguhen.

Gati 677,000 njerëz janë zhvendosur këtë vit për shkak të luftimeve, sipas Zyrës së OKB-së për Koordinimin e Çështjeve Humanitare (UNOCHA).

Pasiguria e kombinuar me varfërinë në rritje ka shtyrë shumë vajza në tregun e martesës.

Shumë vajza që martohen në Afganistan janë të reja  për të kryer marrëdhënie seksuale dhe përballen me komplikime gjatë lindjes për shkak të trupave të tyre të pazhvilluar — shkalla e vdekshmërisë së lidhur me shtatzëninë për vajzat e moshës 15 deri në 19 vjeç  është më shumë se dyfishi i normës për gratë e moshës 20 deri në 24 vjeç.