Vitia tregon se çka do të bëhet në lagjen Ulpiana

Kandidati për kryetar të Prishtinës nga VV, Arben Vitia ka prezantuar planin e tij për lagjen Ulpiana.

Ai thotë se Ulpianës do i shtojnë investimet duke i ruajtur karakterin e lagjes model të Prishtinës.

“Me Tinka Kurtin, takuam banorët e Soliterave të Ulpianës. Diskutuam bashkë për planin e renovimit të këtyre tri ndërtesave ikonë të Prishtinës dhe zvarrijtjet që po i ndodhin procesit. Ne u zotuam që do monitorojmë vazhdimisht punët deri në përfundimin e tyre”, tha Vitia.

Në lagjen Ulpiana:

✅Do investohet në fasadimin dhe izolimin edhe të ndërtesave tjera publike në lagje.

✅Rregullimi dhe mirëmbajtja e hapësirave publike ekzistuese.

✅Rregullimi i rrugës “Egnatia” në hapësirë të sigurt dhe të rivitalizuar për artistët dhe kulturën.

✅Rregullimi i Fontanës dhe shndërrimi i hapësirës në një verandë të lagjes. Brenda saj do të shtohen këndet për pushim dhe aktivitete.

✅Krijimi një shtegu të vrapimit për banorët e lagjes, brenda dy viteve të para.