Themelohet mekanizmi për dokumentimin e krimeve të kryera gjatë luftës në Kosovë

Sot në mbledhjen e Qeverisë është miratuar themelimi për mekanizmin për dokumentimin e krimeve të kryera gjatë luftës në Kosovës, shkruan IndeksOnline.

Kryeministri Albin Kurti në mbledhje tha se dokumentimi i krimeve të kryera gjatë luftës në Kosovë do t’i shërbej edhe edukimit dhe ngritjes së vetëdijes që vendi ynë të mos shoh më përsëritje të historive të dhimbshme të krimeve të kryera.

“Kanë kaluar 22 vite pas luftës dhe adresimi i krimeve të kryera gjatë luftës në Kosovë është shumë larg ndaj asaj që ne duam e që neve na duhet. Shkeljet e rënda të drejtave të njeriut, krimet e luftës do të trajtohen nga mekanizimi për dokumentimin e krimeve të kryera gjatë luftës në Kosovë.

Koncept dokumenti që po e shqytojmë sot ka për qëllim themelimin e një mekanizimi të veçqantë për dokumentimin e të gjitha këtyre shkeljeve.

Krijimi i këtij mekanizimi është veprimi i duhur jo vetëm për Kosovën. Ky mekanizëm do t’i kontriboj shoqërisë për të ditur të vërtetën.

Dokumentimi i krimeve të kryera gjatë luftës në Kosovë do t’i shërbej edhe edukimit dhe ngritjes së vetëdijes dhe vendi ynë të mos shoh më përsëritje të historive të dhimbshme të krimeve të kryera”, tha ai./IndeksOnline/