AKK dhe BE pajtohen për thellim të bashkëpunimit në luftimin e korrupsionit

Drejtori i Agjencisë Kundër Korrupsion, Shaip Havolli, ka pritur në takim Udhëheqësen e Zyrës së BE-së në Kosovë, Nataliya Apostolova.
Në këtë takim, Havolli njoftoi Apostolovan për mandatin e AKK’së, dhe për punën dhe prioritet e këtij institucioni drejt fuqizimit të mekanizmave kundër korrupsion në vend për të qenë sa më efikas në parandalimin dhe luftimin e korrupsionit, bën të ditur një njoftim nga Agjencia.

Havolli foli për ndryshimet dhe plotësimet e kornizës ligjore dhe forcimin e politikave ndëshkuese për fuqizimin e shtetit të së drejtës.

Po ashtu, Havolli falënderoi Zyrën e Bashkimit Evropian në për përkrahjen e vazhdueshme përmes projekteve dhënë Agjencisë në përmirësimin e kornizës ligjore dhe ngritjen e kapaciteteve administrative.

Apostolova vlerësoi rezultatet dhe punën e Agjencisë dhe njëkohësisht konfirmoi mbështetjen e vazhdueshme që do ta ketë në të ardhmen Agjencia Kundër Korrupsionit dhe shprehu gatishmërinë për thellimin e bashkëpunimit me qëllim të realizimit të politikave efikase për parandalimin dhe luftimin e korrupsionit, thekson njoftimi.