I dërguari i Mbretërisë së Bashkuar me video-mesazh: Mahnitëse të shohësh se sa shumë ka ndryshuar Kosova për të mirë

I dërguari i Britanisë së Madhe për Ballkanin Perëndimor, Stuart Peach gjatë të enjtes ishte për vizitë në Kosovë, ndërsa pas përfundimit të vizitës së tij ai ka publikuar një video me përshtypjet e tij se si ka ndryshuar Kosova që nga vizita e tij e parë në vitin 2000.

Peach thekson se Kosova gjithmonë ka qenë një vend i veçantë për të dhe se Mbretëria e Bashkuar do të vazhdojë të jetë një partner i palëkundur për Kosovën.

Ai më tej thotë se ka ende shumë punë tu bërë, por Kosova duhet të jetë krenare për shumë gjëra.

“Kosova ka qenë gjithmonë një vend i veçantë për mua që kur erdha për herë të parë këtu në vitin 2000.

Duke u kthyer në vitin 2022, është mahnitëse të shohësh se sa shumë ka ndryshuar Kosova për të mirë.

Roli im si i dërguar i posaçëm i Mbretërisë së Bashkuar është të mbështesë punën për të promovuar stabilitetin dhe prosperitetin në këtë rajon.

Ende ka gjëra që duhet të bëhen, por përshtypjet e mia janë se ka shumë gjëra për të qenë krenar.

Në një kohë të shkurtër Kosova është shndërruar në një demokraci që funksionin mirë, drejt integrimeve euro-atlantike dhe është duke marr hapa të rëndësishëm të ndalojë korrupsionin dhe të fuqizojë sundimin e ligjit”, tha ai.

Sir Stuart Peach, the Prime Minister’s Special Envoy to the Western Balkans, has just finished his first visit to Kosovo in his new role. Watch below to hear him talk about his impressions and reflect on how Kosovo has changed since his first visit in 2000. pic.twitter.com/2BXVjOqBya

— UK in Kosovo 🇬🇧 (@UKinKosovo) February 11, 2022