Kandidati për kryebashkiak në SHBA qëllohet me armë në zyrën e tij

Një politikan lokal në shtetin amerikan të Kentakit arriti t’i shpëtojë një sulmi me armë në zyrën e tij mëngjesin e së hënës.

Policia iu përgjigj menjëherë telefonatës lajmëruese dhe arrestoi disa minuta me vonë personin që qëlloi me armë ndaj politikanit Craig Greenberg.

Vetë Greenberg, i cili kandidon për kryebashkiak i Louisville nga radhët e demokratëve, konfirmoi përmes një postimi në rrjetet sociale se ishte në gjendje të mirë shëndetësore.

Policia nuk ka ende një arsye të qartë për motivet e sulmit, ndërkohë që shton se politikani Greenberg ishte me të vërtetë me fat që kishte shpëtuar pa lënduar.