Çfarë po ndodhë në Ukrainë?

Në Ukrainë, momentalisht situata është tëjet e tensionuar.

Forcat ruse kanë pushtuar Ukrainën nga drejtime të shumta, duke përfshirë nga rajonet separatiste në Donbas në lindje, nga Bjellorusia në veri dhe nga Krimea e pushtuar në jug, shkruan BBC.

Pjesa më e madhe e luftimeve është përqendruar rreth lindjes.

Banorët e Kharkiv, qyteti i dytë më i madh i Ukrainës, thonë se dritaret në blloqet e apartamenteve po dridheshin nga shpërthimet e vazhdueshme ndërsa ushtria ukrainase dhe forcat ruse shkëmbenin zjarr me predha.

Por përleshjet kanë ndodhur gjithashtu rreth kryeqytetit Kiev në veri dhe qyteteve Odesa dhe Mariupol.

Sulmet ajrore nga Rusia janë kryer në bazat dhe aeroportet ushtarake të Ukrainës, me luftime të ashpra të raportuara rreth një aeroporti kyç pranë Kievit.

Ushtria ukrainase pretendon se ka rrëzuar të paktën gjashtë avionë rusë, ndërsa Rusia pretendon se ka shkatërruar më shumë se 70 objektiva ushtarakë në Ukrainë.

Shumë ukrainas po kërkojnë strehim ose po përpiqen të largohen nga qytetet më të mëdha anembanë vendit, duke përfshirë mijëra të parë duke ikur nga Kievi.