Chelsea me deklaratë mbi situatën në Ukrainë

Klubi futbollistik Chelsea, pronari i së cilit ishte rusi Roman Abramovich, ka dalur sot me një deklaratë zyrtare mbi situatën në Ukrainë.

Ekipi është solidarizuar me popullin ukrainas, duke thënë se situata atje është e tmerrshme dhe shkatërruese.

“Situata në Ukrainë është e tmerrshme dhe shkatërruese. Mendimet e Chelsea FC janë me të gjithë në Ukrainë. Të gjithë në klub po luten për paqe” thueht në deklaratën zyrtare të ekipit.

Ky deklarim vjen gati një ditë pasi Abramovich dha dorëheqje nga pozita udhëheqëse e ekipit.

Abramovich i dha pushtetin administrativ të ekipit fondacionit bamirës të Chelseat, duke thënë se ky është vendimi më i duhur për momentin.

“Gjatë pronësisë sime gati 20-vjeçare të Chelsea FC, gjithmonë e kam parë rolin tim si kujdestar i klubit, puna e të cilit është të sigurojë që ne të jemi aq të suksesshëm sa mund të jemi sot, si dhe të ndërtojmë për të ardhmen, ndërsa gjithashtu duke luajtur një rol pozitiv në komunitetet tona. Gjithmonë kam marrë vendime me interesin më të mirë të Klubit në zemër. Unë mbetem i përkushtuar ndaj këtyre vlerave. Kjo është arsyeja pse unë sot po u jap administratorëve të fondacionit bamirës të Chelsea kujdesin dhe kujdesin e Chelsea FC.

Unë besoj se aktualisht ata janë në pozitën më të mirë për t’u kujdesur për interesat e klubit, lojtarëve, stafit dhe tifozëve” ka thënë Abramovich.

Abramovich është parë nga masa si personi që duhet të dorëzojë Chelsean, pasi njihet si një mik i afërt me Putinin, i cili nuk po heq dorë nga agresiviteti në Ukrainë.

Që kur e mori në pronësi Chelsean në vitin 2003, Abramovich fitoi me ekipin 18 tituj./Indeksonline/