Kongresisti i shkruan Bidenit: Ka ardhur koha që Kosova të hyjë në NATO

“Ka ardhur koha që Kosova të pranohet në NATO”.

Këtë kërkesë e pati kongresisti Ritchie Torres në letrën drejtuar Bidenit dhe Sekretarit Antony Blinken, transmeton IndeksOnline.

Ai në një artikull në Nypost ka thënë se Kosova është aleat i mirë SHBA-së dhe duhet t’i bashkohet NATO-s për të kundërshtuar ndikimin rus në rajon.

“Më 27 shkurt, ministri i Mbrojtjes i Kosovës, Armend Mehaj, bëri thirrje për ‘pranim të përshpejtuar në NATO’. Për më shumë, më 3 mars, Parlamenti i Kosovës miratoi një rezolutë që i kërkon Qeverisë të nisë negocimin për pranim në NATO. S’mund të pajtoheshim më shumë me këto veprime”, ka shkruar në letrën e tij Torres. “Përderisa Rusia vazhdon të sillet si akter irracional dhe Serbia po i forcon raportet me Rusinë, është kyçe që të ndihmojmë aleatin tonë, Kosovën, t’i bashkohet NATO-s. Me zhvillimet e shpejta të situatës së sigurisë në Evropë, duhet të qëndrojmë me aleatin tonë”.

Torres ka shkruar në Twitter se SHBA-ja s’ka aleat më të mirë se Kosovën në Evropën juglindore.

“Shtetet e Bashkuara nuk kanë aleat më të madh në Evropën Juglindore se Kosova, e cila ishte ndër vendet e para që pranoi refugjatët afganë”, shkroi ai./IndeksOnline/

The United States has no greater ally in Southeastern Europe than Kosovo, which was among the first countries to accept Afghan refugees.

The time has come for Kosovo to be admitted into NATO. https://t.co/IQsEVMrbc5

— Ritchie Torres (@RitchieTorres) March 5, 2022